Surprise...

Namaskaram.....
Review after 3 years...
Surprised to see the review....
Hope to review and write again.
Thank you all.

Suspense

SUSPENSE
---------------

It was suspense from the very biginning.
Always I have tried to know.
Eversince I have expressed well
My thoughts, my doubts, my hopes and my dreams.

However, just now
The suspense came to end.
It is so sure now that
What I thought was TRUE.

But I would like to keep it
Suspense for YOU.
A small punishment !
Haven't you ignored me ?

Yet I am simply telling...
God is the suspense of the world
The highest suspense.
The greatest suspense.

ആത്മനിലയം

സുഹൃത്തുക്കളെ,

വളരെ നാളുകള്ക്കു ശേഷമാണ് ഈ ബ്ലോഗ് സൈറ്റ് അപ്ഡേറ്റ് ചെയ്യുന്നത്. ശാന്തിവിചാരം ബ്ലോഗിന്റെ അനുബന്ധ ബ്ലോഗ് ആണിത്. ദൈവികചിന്തകള്ക്കായി പരിശുദ്ധമായ ഒരു ബ്ലോഗ് വേണമെന്ന ആഗ്രഹിച്ചു. എന്നാല് അതത്ര കേമം ഒന്നും ആയില്ല എന്നു മാത്രം. വായനക്കാരായ ആളുകളുടെ അഭിരുചിയും എന്നെ നയിക്കുന്ന ഘടകങ്ങളില് ഒന്നാണ് എന്നു പറഞ്ഞുകൊള്ളട്ടെ. ആവശ്യക്കാരില്ലെങ്കില് വെറുതെ പാഴ് വേല ചെയ്യണ്ടല്ലൊ.. കുറെ ഉദാസീനതയും കാണും. അതിനെ  ന്യായീകരിക്കുന്നില്ല. അനുഭവങ്ങളുടെ പ്രേരണ ശക്തമാവുമ്പോഴാണ് വാക്കുകള് അണ പൊട്ടുന്നത്. അത് തടയാന് കര്ത്താവിനും സാധ്യമല്ല.

അപ്പൊ  ബ്രഹ്മക്ഷേത്രം എന്ന കണ്സപ്ട് വരെയാണ് നാം പറഞ്ഞു വെച്ചത്. ഈ ബ്ലോഗിന്റെ പേരു വരെ അങ്ങനെയാക്കി. ക്രിസ്റ്റല് ഐ ഉപയോഗിച്ച് ബ്രഹ്മക്ഷേത്രം നിര്മിക്കാന് ആഗ്രഹിക്കുന്നതായും സൂചിപ്പിച്ചു. അതിനായി വഴി തേടി വന്നു. എല്ലാത്തിനും സാമ്പത്തികം ആവശ്യമാണല്ലൊ. ആ വിഷയത്തില് മറ്റുള്ളവരുടെ സഹകരണം ഞാന് തേടാറില്ല. അവനവന്റെ കഴിവുപോലെ ചെയ്യാവുന്നത് ചെയ്യാന് ശ്രമിച്ചുകൊണ്ടിരിക്കും. അതുകൊണ്ടാണ് ഈ പ്രോജക്ട് തീര്ത്തും മന്ദഗതിയിലായിപ്പോയത്.

ചെയ്യാറുള്ള തൊഴിലുകളില് വരുമാനമാര്ഗം എന്ന നിലയില്  മുഖ്യമായത് ക്ഷേത്രശാന്തി തന്നെ. അങ്ങനെയൊരു ജോബ് സപ്പോര്ട്ട് ഉള്ളതുകൊണ്ടാണ് ആന്തരികക്ഷേത്രം എന്നൊരു സങ്കല്പം ഉരുത്തിരിഞ്ഞതു തന്നെ. അതിന്റെ നിര്മാണവും സ്വാഭാവികമായ വഴിയിലൂടെ ആയിരിക്കണം. അതിന് എത്ര കാലം എടുത്താലും വേണ്ടില്ല. ആത്മനിലയം എന്ന ക്ഷേത്രം സ്ഥിതി ചെയ്യുന്നത് ആത്മാവിലാണ്. ആലയം പ്രകാശാത്മനി എന്നാണ് അക്ഷരക്രമത്തില് അതിലെ ലറ്ററിങ്.

മനസ്സില് സങ്കല്പനം ചെയ്യുന്നതിന് സഹായകമാണ് രൂപം. അതിന് മറ്റുള്ളവരെയും സഹായിക്കുന്നതിന് രൂപനിര്മാണം ആവശ്യമെന്നു വരുന്നു. രൂപനിര്മാണം മനസ്സില് പുരോഗമിക്കുന്നു. മോഡലിങ്.

Tiger Eye Crystal egg

Idol suggested  (I)for our Brahma Temple

ബ്രഹ്മക്ഷേത്രം

ദൈവവിചാരം,  ഈശ്വരചിന്ത , തുടങ്ങിയ പേരുകളില് പ്രവര്ത്തിച്ചിരുന്ന ഈ ബ്ലോഗ് ഇപ്പോള് ഒരു നവോത്ഥാനത്തിന്റെ പാതയിലാണ്. ബ്രഹ്മക്ഷേത്രം എന്ന പേരിലിത് തുടര്ന്ന് പ്രവര്ത്തിക്കുന്നതാണ്. ശുദ്ധമായ ദൈവികകാര്യങ്ങള് അതായത് പോസിറ്റീവ് കാര്യങ്ങള് മാത്രം ഷെയര് ചെയ്യാനുദ്ദേശിച്ച് ഉള്ളതാണ് ഈ സംരംഭം. ഇതിലേക്ക് വായനക്കാര്ക്ക് സ്വാഗതം

അക്ഷരക്ഷേത്രം അഥവാ Temple of Letters (TOL) എന്നപേരില് ഞാന് ശാന്തിവിചാരം ബ്ലോഗിലൂടെ പരിചയപ്പെടുത്തിയ ആ ക്ഷേത്രസ്വരൂപമാണിപ്പോള് ബ്രഹ്മക്ഷേത്രം ആയി പ്രവര്ത്തിക്കുന്നത്. അതിനെപ്പറ്റി പലപ്പോഴും എനിക്ക് പലതും വെളിപ്പെടുത്താന് കഴിയാതെ വന്നിട്ടുണ്ട്. ആ വിഷയം ഓര്ക്കുമ്പോള് തന്നെ ഒരു സ്തംഭനാവസ്ഥയില് മനസ്സ് എത്തിനില്ക്കും...

അക്ഷരക്ഷേത്ര ശില്പം ഇപ്പോള് മാതൃകയായി ചെയ്തിരിക്കുന്നത് വേണ്ടത്ര ഉറപ്പുള്ള വസ്തുക്കളില് അല്ല. അത് ലോഹത്തില് മനോഹരമായി ചെയ്യാനുദ്ദേശിക്കുന്നു. അതിന് സമയം എടുക്കും. രണ്ട് കൊല്ലം മുതല് അഞ്ചുകൊല്ലം വരെ വേണ്ടി വന്നേക്കാം. പക്ഷെ അതിന് പ്രവര്ത്തിക്കുന്നതിന് രൂപം ആവശ്യമില്ല. അതിന്റെ രൂപം ആദ്യം തെളിഞ്ഞു നില്ക്കുന്നത് മനസ്സിലാണ്. മനസ്സില് അത് രൂപപ്പെടുന്നത് തന്നെ കാലക്രമേണ ആണ്. വിശ്വാസപൂര്വ്വമായ നിശ്ചിതപ്രവൃത്തികളുടെ ഫലമായാണ് അത് സംഭവിക്കുന്നത്. സാഹിത്യരചനയും ക്ഷേത്രത്തിലെ കര്മ ഉപാസനയും ഒക്കെ ആ പ്രവര്ത്തികളില് പെടും. അവയുടെ ഈശ്വരാര്പ്പണമാണ് മുഖ്യം. 

സക്തിയും ഭക്തിയും

സക്തി കൂടാതെ നാമങ്ങളെപ്പൊഴുംഭക്തി പൂണ്ടു ജപിക്കണം നമ്മുടെസിദ്ധികാലം കഴിവോളമീവണ്ണംശ്രദ്ധയോടെ വസിക്കേണമേവരും.

ജ്ഞാനപ്പാനയിലേ വരികളാണിവ. സക്തി എന്നു വെച്ചാല് ആസക്തി. വിഷയാസക്തി. ലൌകികസുഖഭോഗങ്ങളിലുള്ള തൃഷ്ണ. അത് പാടില്ല എന്നാണ് നമ്മുടെ പൂര്വികര് പഠിപ്പിച്ച പാഠം.

എന്നാലിന്ന് പഠിപ്പിക്കുന്നത് എങ്ങനെ ആസക്തി വര്ധിപ്പിക്കാം എന്നല്ലേ. ഭക്തി എന്നു പറയുന്ന ഭാവം ഏറ്റവുമധികം പോസിറ്റീവ് എനര്ജി പ്രദാനം ചെയ്യുന്നതാണ്. ഈശ്വരനോടുള്ള സ്നേഹമാണല്ലൊ അത്. 

ശുദ്ധമായ ഭക്തി സമൂഹത്തില് ഒരു കുറഞ്ഞ അളവിലെ പ്രസരിക്കുന്നതായി കാണുന്നുള്ളൂ. അസുരന്മാരുടെ ഭക്തി വിദ്വേഷം കലര്ന്നതാണ്. രാഗദ്വേഷങ്ങള് കലര്ന്നതാണ്. അതിന് കൂടുതല് പ്രചാരവും സിദ്ധിക്കുന്നു. 

പക്ഷെ അത് നശ്വരമാണ്. രാവണനെഴുതിയ ഗംഭീരമായ ശിവകീര്ത്തനങ്ങളില് ഭക്തിയുടെ തീവ്രഭാവം കാണാം. പക്ഷെ അവയെ മാറ്റിവെച്ച് ശങ്കരാചാര്യവിരചിതമായ കീര്ത്തനങ്ങള് ലോകം പിന്തുടരുന്നു. ആ അസുരന്റെ കാലം കഴിഞ്ഞതോടെ അദ്ദേഹത്തിന്റെ കൃതികളും നിര്ജീവമായി. 

അറിവിന്റെ ക്ഷേത്രം

കലുഷവും അവിശുദ്ധവുമായ രാഷ്ട്രീയ സാമൂഹിക സാഹചര്യങ്ങളൊഴിവാക്കി നല്ല മനസ്സോടെ - ആന്തരികവിശുദ്ധിയോടെ- ദൈവവിചാരം ചെയ്യുക എന്ന മഹത്തായ ലക്ഷ്യത്തില് നിന്ന് ഉത്ഭവിച്ചതാണ് ഈ ബ്ലോഗ്.

ദൈവവിചാരം ചെയ്യുന്നതിന് ബ്ലോഗ് വേണോ എന്ന ചോദ്യം വരാം. വ്യക്തിതലത്തിലുള്ള അനുഷ്ഠാനമാവുമ്പോള് അതിന് കൂട്ടുകെട്ടുകള് വേണ്ട. ഏകാന്തതയിലാവും മനസ്സ് ഏകാഗ്രമാവുക. എന്നാല് വ്യക്തിതലത്തില് എന്നതുപോലെ സമൂഹതലത്തിലും ഈശ്വരവിചാരത്തിന് പ്രാധാന്യം ഉണ്ട്. അവിടെയാണ് മാധ്യമങ്ങളുടെ പ്രസക്തിയും ആവശ്യകതയും. ഇന്റര്നെറ്റിനോളം സുതാര്യമായ മറ്റൊരു ആശയവിനിമയമാധ്യമം ഉണ്ടോ? അപ്പൊ അത് ഉപയോഗിക്കുകയല്ലേ വേണ്ടത്. പരമാവധി..

സമാനചിന്താഗതിക്കാരായ ഏതാനും ആളുകളെ കണ്ടെത്തുന്നതിനും തമ്മില് ബന്ധപ്പെടുന്നതിനും അച്ചടിമാധ്യമങ്ങളിലൂടെ ഇത്രതന്നെ സാധിക്കുന്നുണ്ടോ എന്ന് സംശയം.പത്രങ്ങളില് അച്ചടിച്ചുവരുന്നവ കണ്ണടച്ച് വിശ്വസിക്കുന്ന പ്രവണത ഇന്ന് ഒട്ടു കുറഞ്ഞിട്ടില്ലേ എന്നു സംശയിക്കാം.

എന്തായാലും കൂട്ടായ ഈശ്വരവിചാരത്തിനു വേണ്ടി ബ്ലോഗിന്റെ മാര്ഗ്ഗം അത്ര വിജയപ്രദമാവുന്നില്ല എന്നാണ് ഇതുവരെ എനിക്കുണ്ടായ അനുഭവം. ഈ ദിശയില് വേണ്ടത്ര പ്രവര്ത്തനവും അര്പ്പിതമായിട്ടില്ല എന്നതും പ്രധാനവസ്തുതയാണ്.

പറയുന്നതിന് തക്ക പ്രതികരണം കാണാതെ വരുമ്പോള് പ്രവൃത്തി അസ്ഥാനത്താകുന്നുവോ എന്ന വിചാരം ഉണ്ടാകുന്നു. മറ്റൊരു കാരണം കാലുഷ്യം ആണ്. ശുദ്ധമായ ഈശ്വരവിചാരത്തിന് ഇപ്പോള് ക്ഷേത്രങ്ങളില് പോലും അനുയോജ്യമായ അന്തരീക്ഷം ഇല്ലെന്നായിരിക്കുന്നു.

മേല്പത്തൂര് ഭട്ടതിരിപ്പാട് ഗുരുവായൂര് ക്ഷേത്രത്തിലിരുന്ന് നാരായണീയം എഴുതി. ഇന്ന് ആര്ക്കെങ്കിലും തിക്കിനും തിരക്കിനുമിടയിലിരുന്ന് കവിത എഴുതാനാവില്ല. വരുമാനവര്ദ്ധനവ് ക്ഷേത്രത്തിന്റെ ചൈതന്യവര്ദ്ധനവ് അല്ല. എങ്ങനെയും വരുമാനം ഉണ്ടാക്കുന്നതിനായി അടിസ്ഥാനതത്ത്വങ്ങളില് നിന്ന് വ്യതിചലിച്ചുള്ള ക്ഷേത്രങ്ങളുടെ പ്രവര്ത്തനരീതി സമൂഹത്തിന് ഗുണത്തേക്കാളേറെ ദോഷം ചെയ്യും എന്ന് പറയാതെ തരമില്ല. ഈ വിഷയത്തില് ശക്തമായ ലേഖനങ്ങള് ശാന്തിവിചാരം ബ്ലോഗുകളില് പ്രതീക്ഷിക്കാവുന്നതാണ്.

TOL (Temple Of Letters) എന്ന ക്ഷേത്രശില്പത്തിന്റെ നിര്മാണപ്രവര്ത്തനങ്ങള് പുരോഗമിക്കുന്നു. പേപ്പറിലാണ് നിര്മിക്കുന്നത്. അറിവിന്റെ ക്ഷേത്രം എന്നാണ് ഇതിന്റെ സങ്കല്പം. ആ ആശയം മുമ്പ് പലതവണ ബ്ലോഗ് ചെയ്തിട്ടുള്ളതാണെങ്കിലും, പൂര്ണമായ ക്ഷേത്രശില്പത്തിന്റെ നിര്മാണം പൂര്ത്തിയാവാത്തതിനാല്  അതേ വേണ്ടതുപോലെ ഡിമോ ചെയ്യാന് സാധിച്ചിട്ടില്ല. അസാധാരണമായ ഈ സംരംഭത്തിന്റെ മൂന്നാമത്തെ ഡിമോണ്സ്ട്രേഷന് ഷൊര്ണൂരില് ഒരു ഫേസ്ബുക്ക് ഗ്രൂപ്പ് കൂട്ടായ്മയുടെ സമ്മേളനത്തില് ഉണ്ടാകും. കവിയൂരിലും പനച്ചിക്കാട്ട് സരസ്വതീക്ഷേത്രസന്നിധിയിലുമാണ് ഒന്നും രണ്ടും ഡിമോകള് നടന്നത്.  (y)